Feneyjar
Í ágúst fór ég til útlanda með Báru. Við fórum til Prag, þar fórum við á 6000 manna mót, sáum tónleika, ég spilaði á trommur, fór í fótbolta, fórum á veitingastaðinn Reykjavík, fórum í tívolí, fórum á yndislegann Brasilískann veitingastað, sáum dansandi hús, sáum merkilega klukku, villtumst í sporvagni, fórum í kastala og margar kirkjur, fórum á smámunasafn og pyntingarsafn, fórum í gyðingahverfið og sáum gyðingakirkjugarðinn, fórum á brúnna, fórum á hjólabát og löbbuðum út um allt.
Síðan fórum við til Bratislava. Í lestinni á leiðinni þangað þurftum við að sitja á gólfinu fyrir framan klósett hálfa leiðina, hittum snargeðveikann Slóvaka í lestinni sem hló eins og geðsjúklingur, lestarstöðin var ljót, hverfið sem við gistum í var ljótt, herbergið okkar var gott, kynntumst Bretum, Ítölum o.fl sem voru herbergisfélagar okkar, skoðuðum höll og kirkjur, sáum flugsýningu, fórum á klósettið í turni og sáum yfir alla borgina, sáum bláa kirkju, sáum mjótt hús, smökkuðum Zlatý Basant.
Fórum í ferju til Vínar, gistum á Hosteli sem lánaði hljóðfæri, skoðuðum byggingar og hallir, fórum á þjóðminjasafn, sáum Venus of Willendorf, sáum Segway, fengum okkur vínarsnitzel, fórum í tívolíð í Prater, sáum Kugelmugel, kynntumst könum, tveimur stelpum frá nautahlaupsbænum á Spáni og leiðinlegu þýsku pari sem hélt ekki kjafti.
Næst fórum við til Hallstatt sem er gríðarlega fallegur smábær í Austurríki. þar átum við kebab, skoðuðum saltnámu, fórum í beinakirkjuna, fengum okkur kebab, fórum á bát, borðuðum kebab.
Fórum síðan til Salzburg þar sem við fórum í hjólatúr, hittum íslendinga, skoðuðum kastala, kynntumst ástrala, sáum hundraðkall á hostelinu okkar, töluðum við japana sem var búinn að ferðast í tvö ár, horfðum á ólympíuleikana, kynntumst enskum strákum sem voru á tónlistarhátíð í Ungverjalandi, fórum á netkaffihús með ógeðslegu andrúmslofti.
Ákváðum að skella okkur til Feneyja upp úr þurru. Þar fórum við í vatnastrætó, fórum á Markúsartorgið, skoðuðum söfn, kirkjur, hallir og drasl, fengum okkur pizzu, keypti Razy Bani sólgleraugu, fórum ekki á gondóla, borðuðum spagettí með skelfisk, reyndum að villast, rötuðum, fórum á staði þar sem túristarnir hættu sér ekki, tippsuðum eitt cent á veitingastað út af leiðinlegum þjóni, sátum á tröppunum hjá lestarstöðinni og fengum okkur pizzu, sáum ekki Brad Pitt og George Clonney sem voru þarna viku seinna.
Tókum næturlest til Munchen. Kynntumst stelpu í lestinni sem var frá Berlin, vorum alltaf að hitta þessa stelpu í Munchen, fórum á tæknisafn, Hofbrauhaus, fórum í English Garden, fórum á BMW-safnið, sáum ÓL. 1972-leikvanginn, fengum okkur indverskan kebab o.fl.
...svona í stuttu máli.
p.s. ég er búinn að setja einhverjar fleiri myndir úr ferðinni inná flickr.com/asgeirpeturs og fleiri eru væntanlegar.
